Liens d'accessibilité

Dernières nouvelles
RDC

Trésor américain epesi etumbu na Musa Baluku mokonzi ya ba ADF na mitano misusu


Soda ya ba FARDC na bitumba na ba ADF na Beni, Nord-Kivu, 11 décembre 2018.

Trésor américain epesi etumbu na mokambi ya ba ADF Musa Baluku mpe baninga baye mitano basusu mpo na bobomi mpe mbeba misusu lingombake ya batomboki liye lisalaka na RDC uto mibu mingi.

"Wuto koleka mibu tuku mibale, ba ADF bazali kokoba kosala mbeba makasi ya kotambola likolo na makoki ya bomoto, kozwa basi ebele na makasi, konyokola, koboma mpe kokoba komema bato," elobi na site internet na yango Bureau ya botali bozwi ya bapaya ya Département américain ya Trésor (OFAC).

"Musa Baluku azali mokambi ya ba ADF, lingomba liye lizali, to oyo bato na yango bazali, kosala mbeba mingi," elobi liyebisi.

Trésor américain ekundoli ete na 2014, Etats-Unis elobaki polele ete ADF eyebanaki mpo kolukaka bana na bisika bitumba bizali, koboma, kokamata bango na makasi, kokanga bango mpe komena bango na bisika misusu na etuka ya Grands lacs.

"Ba ADF bazali kokoba kopanza bitumba kino sik’oyo,:" ebakisi Trésor américain.

Baninga ba ye basusu lokola Amigo Kibirige, Muhammed Lumisa, Elias Segujja, Kayiira Muhammad mpe Amisi Kasadha bazali mpe na etumbu eye ya Trésor américian.

Bango banso bafundami na kosunga, kopesa mosolo to makoki na ba ADF.

Bazali kati bato 18 ya mboka mingi baye bazwi etumbu.

Basusu bazali ya Birmanie, Pakistan, Libye, Slovaquie, mpe Soudan ya ngele.

Etumbu yango ekopekisa bango visa ya Etats-Unis mpe ekonga mosolo na bango na ekolo eye.

XS
SM
MD
LG