Ezali "mokano Etats-Unis ezongiseli RDC", kolanda lisakoli ya Etats-Unis.
"Boyokani bwa biso (USA-RDC) ya makasi bopesi nzela na mbongwaka boye," ekomi ambassade na compte Twitter na yango.
Ambassade ya Etats-Unis elobi mpe lisusu ete consule na yango Chrsitne Fagan azali kopesa passeports na baye basengaki kosala mobembo.
Kasi ambassae ya Etats-Unis ekebisi baye basalaki mobembo na Chine na mikolo 14 mileki mpo bokoti bwa bango na Etats-Unis bopekisami mikolo miye likolo ya bokono bwa coronavirus.
Meko moye motali te baye bazalaki na Hongo Kong mpe Macao, esakoli ambassade ya Etats-Unis.
Président Félix Tshisekedi azali na Etats-Unis wuto mokolo mwa eyenga mpe akutanaki na secrétaire d'Etat Mike Pompeo o'mokolo mwa mibale.
M. Pompeo alakaki lisusu lisungi ya Etats-Unis na misala ya M. Tshisekedi.
