"Na Sanza mibale, babundi ba biso ya mpiko 60 bakweyaki kati na bitumba na Beni," ekomi na liyebisi molobeli ya ba FARDC, général Léon-Richard Kasonga.
"Basado misusu 175 bazokaki," ebakisi gén. Kasonga.
Molebeli ya mampinga apameli bato baye bazali kopamnza sango ya lokuta na ba réseaux sociaux, maye mazali koloba ete mampinga ya RDC na Monusco bazali koyokana na banguna.
"Ba FARDC balobi bayebi makambo malokuta maye... mpe bakani kokoba mpe kokokisa lotomo na bango ya kosilisa ba ADF," elimbola gén. Kasonga.
"Oyo ezali koleka na Grand-Nord ezali kaka mayele ya mabe ya bato ya motema mabe baye balingi kokabola mboka," ebakisi gén. Kasonga.
Ba FARDC babandaki bitumba monene (grande offensive na ba ADF) le 28 octobre 2019. Batiyaki état-major na bango na Beni, na bokambami ya général d'armée Célestin Mbala, mokambi ya mampinga ya RDC.
Babotolaki mboka nziike na maboko ya batomboki ya ADF. Kasi, batomboki baye bazali kokoba koboma bavandi ya Beni.
