Liens d'accessibilité

Dernières nouvelles
RDC

32 mangomba ya basimba minduki bandimi cessez-le-feu na Sud-Kivu


Ba Fardc na Bukavu, RDC, le 5 novembre 2017. (VOA/Ernest Muhero)

32 mangomba ya basimba minduki bandimi cessez-le-feu (kopemisa minduki) na Sud-Kivu nsima na boyakani na bakambi ya etuka, mampinga mpe société civile.

Batie manzaka na mokanda ya boyakani na bokutani na mampinga, police, société civile mpe bakeli mibeko. Bokutani bwango bosalami uto le 18 kino le 20 décembre na Murhesa, pene na Bukavu engumba mokonzi ya Sud-Kivu, elakisi liyebisi ya le 21 décembre, likomeli bapanzi sango.

"Ezali boyokani ya bakambi ya mangomba ya basimba minduki ya ekolo Congo démocratique baye bazalaki na Murhesa mpo na kopemisa bitumba banda le 23 décembre 2019," emonisi mokanda batie manzaka.

Bokutani bwango bosalamaki na bokambami ya ba ONG ya Sud-Kivu mpe Search for Common Ground ya Etats-Unis.

Mangomba Yakutumba, Nakiliba, Mushombe, Gumino mpe Kashumba nde mazalaki te na bokutani bwango.

Basimba minduki ya RDC baye batie manzaka bandimi kobundisa elongo na ba FARDC mangomba ya basimba minduki ya mboka bapaya.

Kasi Capitaine Dieudonné Kasereka, molebeli ya mampinga na Sud-Kivu andimi mpenza te likambo ya bopemisi bitumba. Alobi ete lundi, mokolo cessez-le-feu eye esengelaki ebanda, bitumba bisalamaki na Kalehe. Ba FARDC babundisaki ba Maï Maï Nyatura El Kalume.

Ba Maï Maï Nyatura bafunama kozala elongo na bunbindi ya CNRD (Conseil national pour la renaissance et la démocratie), moko ya biteni ya ba FDLR.

Molebeli ya mampinga ya ba FARDC, Col. Léon-Richard Kasonga ayebisi VOA Lingala uto Beni epayi wapi Etat-major général ya mapinga etiyami uto suka ya novembre, ete pene na 1.600 bayi mabota ya CNRD elongo na 71 babundi ya lingoma liye bazongisamaki na Rwanda.

XS
SM
MD
LG