Liens d'accessibilité

Dernières nouvelles
RDC

Ba FARDC bazali koluka mokonzi ya ba ADF moko atikali


Ba soda ya FARDC na Matombo, 35 kilomètres na nord ya Béni, na Nord-Kivu, le 13 janvier 2018.

Mampinga ya ekolo Congo démocratique basakoli ete bazali komibongisa mpo na "kobeta egogo ya suka na motu ya ba ADF", elobi molobeli ya ba FARDC général Richard-Kasonga.

Kolanda général Kasonga, ba FARDC bazali koluka mokonzi moko oyo atikali kokamba ba ADF mikolo oyo.

"Ba FARDC bazali kosala manso mpo kobeta likofi ya suka na ba ADF oyo etikali kaka mokonzi na yango moko ma mebele ya na biso ya kosukisa," eyebisi general Kasonga, kolanda compte Twitter ya FARDC.

Vendredi, ba FARDC babotolaki mboka Madina, Mapobu mpe Liva na maboko ya ba ADF.

"Babundi 40 ya ba ADF bakufaki, kati na bango ba commandants ba bango. 5 PKM bibotolamaki, 21 minduki, 5 bombes artisanales mpe ba armes blanches," elobaki major Mak Hazukay.

Voir les commentaires

XS
SM
MD
LG