Liens d'accessibilité

Dernières nouvelles

Ba ADF babomi bato koleka 12 na territoire ya Beni


Pene na bato zomi bakufaki ntango babundi bafundami kozala ba ADF ba tumbaki ndako mingi na Rwangoma, Beni, Nord-Kivu, 1er juin 2021.

Basimba minduki bafundami kozala ba ADF babomi koleka bato 12 o’mokolo mwa eyenga na mboka Mambuo na territoire ya Beni.

Bavandi ya mboka eye batatoli ete babundi baye batumbi ndako mingi yambo na bokomi ya basoda ya mampinga ma RDC (FARDC) baye balandaki basimba minduki.

Nzoto ya bawei ememamaki na ndako ya malilili ya lopitalo lonene ya Beni, kolanda bavandi.

Na ngambo na yango, Baromètre sécuritaire ya Goma (KST) esakoli ete babundi bafundami kozala ba ADF batumbaki o’mokolo mwa mposo molongo ya mituka mobatelamaki na ba FARDC na MONUSCO na route nationale 4 kati na Komanda mpe Beni.

"Mituka minei mpe bato banei bazali komonana te," ekomi KST.

Mingi mitombolami mpo na kopamela bozangi mbuma elamu na emonani état de siege eye etiama wuto sanza ya mitano.

"Etat de sige elongi te, esengeli kotala soki ezali malamu kotikala", ekomi na Twitter kalaka mokonzi ya UNC, lingomba lya Vital Kamerhe, Billy Kambale.

Voir les commentaires

XS
SM
MD
LG