Liens d'accessibilité

Dernières nouvelles

Ba avocats basengi bolukisami ya Kalev Mutondo bosukisama


Kalev Mutond, mokambi ya kala ya ANR (agence nationale de renseignement) na Goma, RDC, le 25 janvier 2917. (VOA/Charly Kaseraka)

Basambeli ba Kalev Mutondo mokambi ya ANR misala mya bokengi mya RDC basengi na procureur général na Cour constitutionnel mpe mokambi ya Conseil supérieur ya magistrature kosukisa bolukisami ya client na bango.

Balobi na mokanda batindeli ete makambo Kalev Mutondo afundami na yango masi masambima mpe matikama mpo bilembo bizalaki te.

Mpona maye manso maye, totondi yo botondi na kopesa mitindo ete mokanda ya kokanga ye mpe mokanda ya boluki ye ebimaki mpo na client nab iso elongolama mpe client nab iso azongela bonsomi bwa ye ya kotambola mpe amilakisa na misala mya bosembo ya mboka na ye, lokola Buku likonzi mpe mibeko milobi, ekomi basambele baye ya cabinet Mbere Moba & Associés.

Basamebli bango bakundoli lisusu ete mokambi ya sika ya ANR apesi ndingisa te ete Kalev Mutondo ayanola na bazuzi, lokola mobeko mosengi.

Kalev Mutondo amonanaka lisusu wuto pene na mposos mpo parquet ya Cour d’appel ebimisaki mokanda ya kolukisa mpe kokanga ye.

Ayanolaki te mbala mibale na bobengisami ya magistrat. Asengaki bolongalami ya dossier na maboko ya magistrat Robert Kumbu Phanzu oyo azali kokoba kolukisa ye na bobuki mibeko.

Ba avocats baye balobi akoki kosambima te na makambo moko wana mbala mibale.

XS
SM
MD
LG