Liens d'accessibilité

Dernières nouvelles

Parquet général ya Cour d’appel ya Gombe ebengisi lisusu Kalev mardi


Kalev Mutondo, mokambi ya kala ya ARN (Agence nationale ya rensiegnements) ya RDC, septembre 2019. (Twittwer/Kalev Mutond)

Parquet général ya Cour d’appel ya Kinshasa/Gombe ebengesi lisusu Kalev Mutondo, mokonzi ya kala ya ANR (Agence natinale ya renseignements) koyanola na bazuzi ya barquet mardi.

Ekomi mbala ya mibale ete M. Kalev abgnisama.

"Biso, Robert Kumbu Phanzu, avocat général mpe officier ya ministère public na Cour d’appel ya Kinshasa/Gombe, tosengi na Kalev Mutondo,… komilakisa na biso na cabinet na biso na Palais ya Justice… mardi 9 mars 2021 na 10h00," elobi mokanda motindelami M. Kalev moye VOA Lingala emonaki.

Mokanda mwango molabi soki M. Kalev akeyi te, "akomemama na makasi lokola mobeko molobi".

Avocat général Kumbu ye moko nde atie manzaka na mokanda mwango.

Ntina ya bobengisami na ye ekoyebisamela yes oki akomi, elobi mokanda mwango.

Mposo mibale mileki, M. Kalev aboyaki koyanoli na bobengisami na ye.

Bato baike baundaki M. Kalev mpo na mbeba bazwaki na bokangami na bango na ANR.

M. Kalev aboyaki koyanola na VOA Lingala kasi alobaki na radio Okapi ete azali na bobatelami bwa mobeko mpo na maye asalaki na nzela ya mosla mwa ye. Mpe abetaki sete ete asalaki mbeba te, na boyebi na ye.

M. Kalev alobi akoki kolandela mpo na mbeba asalaki na nkombo na ye moko kasi na mosala mwa ye te.

Mpo na mosla mwa ye, M. Kalev alimbolaki été akoyanola kaka na mokonzi ya mboka.

XS
SM
MD
LG