Liens d'accessibilité

Dernières nouvelles

VP ya kala ya Zambie atikamaki mpe azongi Lusaka


Vice-président ya kala ya Zambie Nevers Mumba azali kosala lisikulu na Lusaka, 15 janvier, 2015.

Vice-président ya kala ya Zambie Nevers Mumba atikamaki nsima na kokangama na Lumbubashi mwa ngonga moke. Azongi na Zambie nsima na kolandelama mpo afundamaki na koluka kokutana na mokonzi ya kala ya RDC, Joseph Kabila na Kolwezi.

"Dr. Nevers Sekwil Mumba azongi ! Nkolo akumama. Totondi mbulamatari mpo na maye esali na ntina ya botikami na ye," ekomi moko na basungi ya M. Mumba, Clément Chendela Siame na compte Facebook.

Dr. Mumba akatisaki mondelo mpo na kozonga Zambie mardi na 21h, ngonga ya Lusaka, engumba mokonzi ya ekolo na ye.

VP ya kala ya Zambie Nevers Mumba alobi ayebi ntina bakangeli ye te na Lumbubashi [TOYOKA]
Attendez s'il vous plaît

No media source currently available

0:00 0:00:42 0:00


Kolanda biyano Dr. Mumba apesaki na VOA, akangemaki na Kolwezi epayi wapi azalaki na kozela likita lyoko mpo na business.

Basoda na minduki na bayi bokengi ya RDC bamemaki Dr. Mumba kino Lubumbashi mpe batunaki ye mituna ya koyeba ntina nini akutanaki to alingaki kokutana na mokonzi ya kala ya Congo démocratique, Joseph Kabila, elobaki vice-président ya kala ya Zambie na VOA.

"Nayaki awa mpo na likita ya misala tosalaka ya kopesa biloko bike na mbulamatari ya Katanga toloba ya Lualaba. Toyebi soki nani akoseli biso makambo na ngambo ya Zambie to ya RDC ya koloba ete na kutanaki na mokonzi ya kala awa. Eza solo te. Na kutani na ye te. Libaku mabe ete nakomi awa ntango matata makasi ya politiki mazali awa," elimbolaki M. Mumba na mopanzi James Butty ya VOA.

Ewumelaki ngonga mitano. Bazwaki téléphone na ye.

"Natondi mbulamatari ya Congo mpo Kinshasa ebengaki mpe batikaki ngai. Bamemaki ngai na chambre ya hôtel kino bazela batala soki makambo nalobaki mazali solo," elobaki Dr. Mumba.

Vice-président (2003–2004) na bokonzi ya nkondo Levy Mwanawasa, M. Mumba azali mokambi ya lingomba MMD na Zambie. Azali komibongisa mpo na kozala na maponami ma mokonzi ya makoya na Zambie mpe azali na mposa ya lisungi.

M. Kabila azali na Kolwezi wuta mokolo ya mposo moleki.

XS
SM
MD
LG