Liens d'accessibilité

Dernières nouvelles

Masolo ya Zambie na RDC makatami mpe makozongela le 1er


Ba soda ba mampinga ma Zambie, na libanda lya mpepo ya Luskasa, 7 juillet 2010.

Balakisi bilongi ya Zambie mpe ya Ekolo Congo démocratique (RDC) bakati masolo bazalaki kosala wuto mikolo mibale na Lubumbashi, na Haut-Katanga mpo na matata ya kowelela mabele na Moliro. Bayokani kozongela yango le 1er septembre.

Ba experts ya bikolo mibale basakoli na miso mya ba ministres ya mambi ma kati ya mboka mbe ya Défense ya Zambie mpe RDC, ete bazali koluka boyoka na nzela ya masolo.

Masolo mango makatami. Masengelaki kokende kino mokolo mwa mposo. Kasi makozongela le 1er septembre.

Na mars, ba soda ya Zambie bakotaki na mboka Kalubamba na Kibanga, na Moliro, ya etuka ya Tanganyika, na mabele ya RDC.

Bitumba bisalamaki mpe ba soda babale bakufaki. Moko ngambo ya RDC mpe mosusu ngambo ya Zambie.

Boyokani botiamaki manzaka na 1989 bopesaka nzela na kopesa eyano na matata mawutaki na ntango ya ba "noko". Ndelo botiamaki kati mboka mibale na lac Mweru mpe lac Tanganyika nan taka ya pene na 200 km.

Bitumba kati na bikolo mibale bisalamaki mbala misatu wuto 1986.

Zambie ekoki kokata na bopete na bisika bizali kowelelama kasi o'ngambo ya RDC potopoto etikaka te kokoma na bisika yango na bopete.

XS
SM
MD
LG