Liens d'accessibilité

Dernières nouvelles

Tshisekedi atie Eberande na ebonga ya Kamerhe


Désiré-Cashmir Eberande Kolongele akosala na ebonga ya directeur ya cabindet ya président Félix Tshisekedi na esika ya Vital Kamerhe, Kinshasa, 5 mai 2020. (Facebook/Présidence RDC)

Président Félix Tshisekedi atie, mardi na mpokwa, Désiré-Cashmir Eberande Kolongele na ebonga ya directeur de cabinet (mokambi ya ndako ya misala) na ye, na esika Vital Kamerhe.

"Désiré-Cashmir Eberande Kolongele atiami mpo na kosala intérim ya directeur ya cabinet," esakoli na RTNC, télévision ya l’Etat, Kasongo Mwema, molebeli ya président Félix Tshisekedi.

Vital Kamerhe, mokambi ya UNC mpe allié ya président Tshisekedi ya makasi ntango ya maponami malekaki na décembre 2018, abandaki kosamba lundi mpo na kopengwisa misolo ya misala ya 100 jours ya bokonzi ya Tshisekedi.

Afundami elongo na Libanais Samih Jamil na Jeannot Muhima mpo kolimwisa yambo pene na 48 millions ya ba dollars mpo na ndako 1.500 mpe 237 mpo na ndako 3.000.

"Linaka ya 100 jours ezali yambo ya tata mokonzi ya mboka… Na salaki makambo na nkombo na nga moko te kasi na nkombo ya mokonzi mboka Félix Tshisekedi… Naza na mosala ya monene nasalaka, na lokumu na yango nyonso esengi, esengeli na loba bosolo," eyanolaki na bosambisami na ye Vital Kamerhe.

Ebonga na ya M. Kamerhe epesameli na M. Eberande oyo azalaki molandi wa na bokambi ndako ya misala ya président Tshisekedi.

Voir les commentaires

XS
SM
MD
LG