Liens d'accessibilité

Dernières nouvelles
RDC

Tshisekedi asengi mbulamatari kotiya bomoto ya moto lokola likonzi ya misala minso


Président Félix Tshisekedi na bato 67 banso bazali na mbulamatari na ye ya yambo, nsima ya likita na bango lya yambo, na Cité ya Union africaine, Kinshasa, 13 septembre 2019. (Twitter/Présidence RDC)

Mbulamatari ya sika ya ekolo Congo démocratique ezalaki o'mokolo ya minei na likita lya lyango lya yambo, ya kafukafu na bokambami ya president Félix Tshisekedi na Premier ministre Sylvestre Ilunga Ilunkamba.

Président Tshisekedi ayebisi na baye banso bazali na mbulatari batiya moto lokola likonzi lya misala manso bako kosala, eyebisi ministre ya mambi ya bapaya Marie Tumba Nzeza.

"Tososoli lolenge ya komona makambo ya mokonzi ya ekolo mpe maye azali kozela ete tosala. Yango esepelisi ngayi mingi, Atie moto yambo. Nyonso tokosala lokola mosala ekozala mpo na bolamu ya bana ya Congo bozala liboso," elobi Mm Tumba Nzeza na bobimi na likita lyango.

Eyoma likolo ya bapaya ezali kosalema na Afrika ya ngele ezalaki moko ya mama ya makambo matelemaki na likita lyango.

Mme Tumba Nzeza asakoli na suka ya bokutani bwango ete mokano mozwami mpo na kosala commission interministérielle. Ntina na yango ezali koluka lolenge nini ya kopesa eyano mpo na ba Congolais bazali na Afrkika ya ngele.

Ministre Tumba Nzeza asakoli ete akokende na Pretoria, engumba mokonzi ya Afrika ya ngele, na mikolo mikoya soki mobulu moye mokobi kosalama kuna.

XS
SM
MD
LG