Liens d'accessibilité

Dernières nouvelles
RDC

Tshisekedi asengi bana ya Kivu kozongela bilanga na Bukavu


Président Félix Tshisekedi lisikuli na ye liboso ya bituluku ya bato na etando ya Indépendance na Bukavu, na Sud-Kivu, 7 octobre 2019. (Facebook/Rachel Kitsita Ndongo).

Na lisikuli na ye liboso ya bituluku ya bato na place ya Indépendance na Bukavu, na Sud-Kivu esika akomaki nsima na nzaka, président Félix Tshisekedi asengi na bana ya Kivu bazongela bilanga.

M. Tshisekedi alobi ete alingi ete RDC efulukisama na lolenge ya kopesa ndakisa, mingi mpenza na nzela ya bilanga.

"Ntango ya Zaïre, etuka na biso eye, kala ezalaki Grand Kivu, eyebanaki lokola ‘grenier’ (esika ya kobomba bilona). Lelo etikala ‘grenier’ kaka ya nkmbo. Kivu ezali na mabele ya malamu koleka mpo bilona na ekolo mobimba. Likolo ya Kivu, mboka na biso mobimba ya Congo démocratique ekoki komileyisa mpe komileyisa malamu mpenza," elobi M. Tshisekedi.

Mwana mbola Tshisekedi alobi "esengeli bana ya RDC batala bilanga lokola eloko ya pamba te mpo yango ekoki kopesa misala mpe makoki mingi".

Mpo na M. Tshisekedi, mikakatano misusu mizali kati na myango mayi na lotiliki.

Mokonzi ya RDC alobi ete azali kosala makasi mpo Sud-Kivu lokola bituka bisusu bizwa mayi na lotiliki.

Asakoli ete misala ya botongi ya phase 3 ya barrage Ruzizi ezali kosalama mpo na kopesa bato mingi motiliki mpe mayi.

M. Tshisekedi akomi na Bukavu, na Sud-Kivu mpo na bofungolami ya Laboratoire ya bobongoli ya bisaleli ya milona na Kalambo.

Lobi mokolo ya mibale, akoyamba bakonzi ya bikolo ebele mpo na bofungolami ya Laboratoire yango.

Bakonzi ya bikolo ebele lokola Paul Kagame ya Rwanda, Pierre Nkurunziza ya Burundi mpe Uhuru Kenyatta ya Kenya bakozala wana.

Bakonzi ya kala ya bikolo misusu lokolo Joseph Kabila ya RDC na Olusengun Obasanjo mpe bakozala wana.

XS
SM
MD
LG