Liens d'accessibilité

Dernières nouvelles

Tshisekedi asengi bakambi ya bituka kolanda politiki azali kotia na esika


Président Félix Tshisekedi (C, rangée ya nse), Ministre wa yambo Ilunga Ilunkamba (2e G, 1ere rangée), nimistre ya Intérieur Gilbert Kankonde (22 D, 1ere rangée) kati na bakambi ba bituka 26 na Palais de la nation, Kinshasa, 28 décembre 2020. (Twitter/Pré

Président Felix Tshisekedi asengi bakambi ya bituka kosala mpo na bomoko mpe Ekolo ekende liboso. Alobi yango na likita lya mbala sambo ya bkambi bituka libandi lelo na Kinshasa.

Président Tshisekedi akundoli ete ba institutions inso : president parlement na suku na yango mibale (Assemblée nationale mpe Sénat), misala mya bosembo mpe ba Assemblée provinciale basengeli kotambola nzela moko.

Mokonzi ya ekolo akebisi baye banso bakomeka koketelemela misala mboka mpo etumbu ekopesalamela bango.

Président Tshisekedi alaki mpe ete wuta sika linaka lya ye mpe manaka manso ma bituka makobanda kotalama soki makomi wapi.

Bakambi bituka basengi ete mobeko motambwisi bango mobongwana mpo na kopekisa ete bakeli mibeko bakoka te kolongola bato na motion ya censure yambo na kokikisa sanza 18, elobaki motambwisi ya lisanga ya bakambi ya bituka, Gentiny Ngobila ya Kinshasa.

Président Tshisekedi afungoli lela bokutani bwa sambo ya bakambi ba bituka na Kinshasa.

XS
SM
MD
LG