Liens d'accessibilité

Dernières nouvelles

Mokambi ya APLC atiami na bokangami


Palais ya Justice, na Kinshasa, RDCm 20 janvier 2019.

Mokambi ya Agence ya kopekisa mpe kobundisa kaniaka (APLC) Ghislain Kikangala atiami na bokangami nsima na koyanola na parquet ya Cour d’Appel ya Kinshasa-Matete mpo na misolo basali ya misala miye bazwaki na enketi bazalaki kosala na Access Bank.

M. Kikandala afundamami na kobotolo misolo mpe kokanga pamba pamba.

Ba directeurs babale basusu ya APLC bakendi te koyanola te na bobengisami na bango na parquet.

Ba avocats na bango balobi bakendaki na etinda na Kongo-central.

Parquet ebengisaki bango mpo na $30.000 bazwaki na Access Bank na enketi bazali kosala kuna mpo na bosukoli misolo mpe kopesa misolo na mangambo y aba terrorists (badongolo mseo). Enekti ya APLC etali mokambi ya Access Bank, Arinze Kenechukwu Oswachale, oyo azalaki na avocat na ye, Amani Cibambo na bililingi bipanzanaki na ba réseaux sociaux..

Nungu ngungu ebimaki mingi mpo bilililingi ya bozwi misolo myango bipanzanaki na ba reseaux,

Ba ONG batelemelaki likambo yango.

Bakambi ba APLC balobaki ete misolo myango mitandamaki na parquet ya Cour d’appel ya Gombe.

Kasi ba ONG basengaki etumbu mpo basali ba APLC bazali na ndingisa te ya kozwa misolo.

Mokambi ya ndako ya mosala ya président Félix Tshisekedi mpo na mwa ntango, Désiré-Cashmir Kolongele Eberande alakaki ete etumbu ekopesa soki likambo lyango limonisami ete lizali solo.

APLC ezali na nse ya bokonzi ya président félix Tshisekedi oyo akelaki yango mobu moye mpo na kobundisa kaniaka.

XS
SM
MD
LG