Liens d'accessibilité

Dernières nouvelles

Tshisekedi apesi nkondo cardinal Monsengwo palata ya bilombe Kabila-Lumumba


Bilili bya cardinal Laurent Monsengwo na misa yambo na bokundami bwa ye na cathédrale notre Dame ya Lingwala, Kinshasa, 21 juillet 2021. (Facebook/Présidence RDC)

Président Tshisekedi apesi na nkondo cardinal Laurent Monsengwo Pasinya palata ya Grand cordon ya ordre ya national ya Bilombe ya ekolo Kabila-Lumumba, mpo na misala episkopo oyo asalaki na mboka.

Mokonzi ya mboka atikaki palata yango likolo lya sanduku ya nzoto ya cardinal Monsengwo oyo etiamaki mardi na Palais du peuple, ndako ya Parlement, mpo na losako lya suka.

Président Denis Sassou N’Guesso ya Congo-Brazzaville, lokola mpe Nonce apostolique, ba cardinaux, b’episkopo ya bikolo bya Afrika, mpe bakambi ba biyamba misusu ya continent mpe ya mboka bazalaki na milulu myango.

Na bomoi na ye, Cardinal Monsengwo azalaki kozongisa bayi politiki na nzela na mpamela mingi.

Papa wa Roma apesaki ye lokumu mpo na bitumba bya ye na ntina ya sembo mpo bolamu ya bana ba mboka na ye mpe ya Afrika.

Cardinal Monsengwo akambaka Conférence nationale souveraine mpe Parlement ebimaki na yango.

Azalaki mpe moko na bayi mbulamatari ya Roma na curie romaine.

Nzoto ya cardinal Monsengwo ezongisamaki o’mokolo mwa eyenga le 18 juillet nsima na liwa lya ye na Verssailles na France le 11 juillet epayi amemaki na lombango mpo na lisalisi.

Mgr Monsegnwo akelamaki cardinal na Papa Benoit XVI le 20 novembre 2010.

Voir les commentaires

XS
SM
MD
LG