Liens d'accessibilité

Dernières nouvelles
RDC

Thomas Lubanga abimi boloko nsima na mibu 14


Thomas Lubanga, mokambi ya UPC na bosambisami na CPI, Haye, Pays-Bas, 1er décembre 1, 2014.

Thomas Lubanga abimi boloko na Kinshasa nsima na mibu 14 CPI (Cour pénale internationale) ekatelaki ye mpo kozwa bana bake na lingomba na ye ya basimba minduki na bitumba ya Ituri na 1999-2000.

Mokambi ya UPC (Union de patriotes congolais), oyo azali na mibu 60 ya bomoyi, Thomas Lubanga akendaki na misa na Sainte Anne nsima na kotikama na ye.

Mpo na avocat ya M. Lubanga, Me Papy Mayamba, client na ye (Lubanga) azalaki nde "cobaille" to niama ya komeka ya CPI kasi asalaki na ye mbeba te.

Thomas Lubanga akangamaki na 2006 mpe aketelamaki etumbu ya mibu 14 ya boloko na bosambisami ya CPi na 2012 na Haye, na Pays-Bas.

Na 2015 CPI, etindaki ye na Kinshasa mpo asilisa mibu mitano mya ye ya boloko pene na Germain Katanga, mokonzi mosusu ya mangomba ya basimba minduki (FRPI, Front de résistance patriotique pour l’Ituri).

M. Lubanga abimi boloko ntango bituma bizongi na Ituri.

Mampinga ya ekolo Congo démocratique masalaki boyokani na FRPI mposo misato mileki.

Voir les commentaires

XS
SM
MD
LG