Alexis Thambwe Mwamba, moko na bayi FCC, alobi amoni ete bondimami kati na ye na baike na ba Sénateurs basusu mpe lisusu, mpe lisusu botiami bwa Bureau d’age bopesi ye lisusu nzela ya kosala te.
Lobi loleki bakeli mibeko tuku motoba na minei bazalaki na likita lya kafukafu libengisamaki na kalaka mokonzi ya Sénat mpe batiaki nae sika Bureau d’agee ekambami na Léon Mamboleo oyo aleki ba Sénateurs basusu na mibu.
Esalami mposo moko na ndambo nsima na bokweyisami ya Ministre wa yambo mpe mbumalamatari ekambama na bayi FCC, mpe sanza moko nsima na bolongoli ya Bureau ya Assemblée nationale ekambaki mpe lisusu na bayi FCC.
Liboke lya sika, Union sacrée, lizali kokelama nzinganzinga ya mokonzi Félix Tshisekedi mpo na majorité ya sika nsima na bokabwani ya boyokani kati na CACH ya ba Tshisekedistes na FCC ya mokonzi ya kala Joseph Kabila.
