Liens d'accessibilité

Dernières nouvelles

Kalaka mokonzi ya Sénat abengisi likita mpo na kotia Bureau d’âge


Mokambi ya Sénat Alexis Thambwe Mwambana bokutani na président Félix Tshisekedi (amonani te) na Cité ya Union africaine, na Kinshasa, 13 octobre 2020. (Facebook/Présidence RDC)

Kalaka mokonzi ya Sénat ya Ekolo congo démocratrique abengisi ba Sénateurs o’mokolo mwa minei na ntina koluka mpe kotia na esika Bureau d’âge to eye ekolanda mibu ya ba Sénateurs na esika na eye ekambamaka na Alexis Thambwe Mwamba

Thambwe Mwamba azongisi na liyebisi ete kalaka mokonzi ya Sénat abuki mibeko mpo ba Sénateurs bazali na loyi.

"Bureau ya Sénat eyebisi ba sénateurs baye basengeli kosala nyonso mpo ete légalité etosama, ete liyebisi wana,liye lisalamaki na bobuki mibeko mpe mikano mikambaka ba institutions, lizali na nguya te mpe na lintomba te," ekomi na liyebisi Thambwe Mwamba.

Mpo na Thambwe Mwamba, ba Sénateurs babengisamaki kaka mpo na session extraordinaire eye esalamaki mpe esukisamaki o’mokolo mwa mibale mpo na kolekisa mapongisi ma mobeko ya kodnima bokelami ya ZLECAF (Zone ya libre-échange constinentale africiane). Yango, ba sénateurs bazongeli loyi na bango, ekomi Thambwe Mwamba.

"Bureau ya Sénat ezali kokamwa na komona na ba réseaux sociaux liyebisi litiami manzaka na kalaka mokonzi ya Sénat, le 2 février, libanda na esika ya komosala, kobengisa ba Sénateurs na likita o’mwa mokolo ya minei 4 févireir 2021," ebakisi Thambwe Mwamba.

Nzonkande ba pétitions to mikanda ya kosenga bolongwi ya moko na moko na bayi Bureau, longola se Samy Badibanga moko na bayi ngambo ya président Félix Tshisekedi, etikamaki.

Kolanda mibeko ya Sénat, mokambi ya Bureau akoki lisusu te komaba soki pétition ekotisami. Esengelie te Bureau d'age etiama lokola esalamaki na Assemblée nationale.

Nzokande, Procuruer general ya Cour ya cassation asengaki kosala bolukiluki mpo na misolo millions mibale y aba euros mpe moko ya ba dollars emamaki na ndako ya Alexis Ntambwe Mwamba.

Kasi Bureau ya Senat eyanolaki ete ntina ya kosala bolukiluki ezali te mpo misolo myango mizongismaki na libenga lya Senat.

Thambwe Mwamba alobaki o;mwa mibale ete misolo myango mibimisamaki na mpokwa na banki mpe mobulu mozalaki na Palais du people, yango ememaki na ndako na ye.

XS
SM
MD
LG