Liens d'accessibilité

Dernières nouvelles

Sénat eboyi kopesa nzela mpo Thambwe Mwamba asambisama


Alexis Thambwe Mwamba, mokambi ya Sénat, na Kinshasa, 31 décembre 2016.

Ba sénateurs baboyi bango banso kopesa nzela ete Thambwe Mwamba, mokambi ya suku eye la likolo ya Parlement, akenda kosambisama.

Ba sénateurs batalaki na likita lya bango ya mardi bosenga ya Cour ya cassation ya kolongola immunité ya M. Thambwe mpo asambisama na lifunda ya sénatrice Bijoux Goya Kitenge.

Mme Goya afundaki M. Thambwe le 4 mai nsima na mokambi ya Sénat kososola ye na miso ya bato.

M. Thambwe alobaki na miso ya bato ete Mme Goya azalaki kobondela ye mpo asunga ye kozwa libonga ya questure (oyo atali makombo ya mbongo) na Sénat.

Bazwanaki na miso ya batoi nsima na Mme Goya kosenga M. Thambwe kopesa rapport ya misala mya kobongisa hémicycle to ndako ya makita ya Sénat.

"Olobaki na ngai ete soki ozwi ebonga ya questeur, tokosala mbongo.. Oyaki na ndaku na ngai, mpe obengaki mbala mingi na ya komela champagne na ndaku na yo kasi na boyaki na mayele mpe limemya mpe na lobaki na yo ete, ngai Thambwe Mwamba, nazwaki ebonga ya mokambi ya Sénat mpo natika nkombo kasi mpo natondisa mabenga ma ngai te,: elobaki M. Thambwe.

Mokambi ya Sénat alobaki lisusu ete lingomba na bango FCC (Front commun pour le Congo) eboyaki kopesa Mme Goya maboko mpo elobaki ete azali mwasi ya kilo te mpe ya bizaleli mabe.

M. Thambwe na Mme Goya bayokanaki. M. Thambwe asengaki bolimbisi mpe apesaki ye fololo na miso mya bato banso kasi Mme Goya amemaki yango na bazuzi. Alobaki afingamaki na bomwasi bwa ye.

XS
SM
MD
LG