Liens d'accessibilité

Dernières nouvelles

Police ekangi bato 23 kati na baye bazalaki kolanda malakisi ma basoda na Kingabwa


Mokambi ya police ya etuka mpe engumba ya Kinshasa, Commissaire div. Sylvano Kasongo kati ya ba policiers na Kinshasa, 30 juin 2018.

Police esakoli ete epanzi lingomba lya bato mabe lobi na Kingabwa, na Kinshasa, nsima na bokiti ya baike na lipinga na yango na esika eye.

Mokambi ya police ya Kinshasa, Commissaire divisionnaire adjoint Sylvano Kasongo, akomi na liyebisi ete bopanzi lingomba lyango mpe bokangami bwa bato 23 baye bosalamaki mercredi 26 aout na mitindo mya bakonzi ba likolo.

"Bolukiluki bozali kokoba mpo na kozwa baye batikila na lingomba lya bato mabe maye mpe baye batindaki makambo maye ya mabe, bazala banani mpe bazala wapi," ekomi Commissaire Kasongo.

Bililingi (video) bitambolaki wuto ntongo na ba réseaux sociaux mpe bilakisaki police kokota olopango moko na Kingabwa epayi wapi bato mingi bazalaki kosala ngalasisi mpe kolanda malakisi ma basoda mpe bokengi.

Masasi mabetamaki mpe polici ezongaki nsima.

Na bilingi byango, bato bango bazalaki koyemba ete bazali ba "garde de la paix" mpe bakobatela président Félix Tshisekedi.

Bato basusu na sokoto ya basoda ya garde républicaine bamonanaki pene na bango.

Na bililingi byango, baike balobi ete bazali bayi lingomba lya mokonzi ya mboka UDPS.

XS
SM
MD
LG