Ministre ya Défense ya RDC na ambassadeur ya Etats-Unis basololi mpo na formation ya FARDC na USA

Tokutani "na ministre ya Défense mpo na kondima lisusu bobandeli ya boyokani na FARDC na ntina ya mateya, ya coopération civilo-militaire, kobatela makoki ma bomoto," eyebisi na Twitter ambassadeur Mike Hammer oyo amibengaka "Nzita" na nkombo ya bana ya RDC.

"Kotombola kimya mpe bokengi ezali likonzi ya boyokani ya makasi mpo na kimya mpe kofulukisama @PP4PP," ebakisi M. Hammer.

Etats-Unis na RDC bazali na kati linaka libengami PP4PP ( boyokani ya makasi mpo na kimya mpe kofulukisama) wuto président Félix Tshisekedi akota na bokonzi.

Mardi, ambassade ya Etats-Unis esakolaki ete etiaki manzaka na mokanda ya kondima bozongeli boyokani kati ba bikolo na ntina ya bokengi.