Liens d'accessibilité

Dernières nouvelles
RDC

Muyembe azwi mbano ya Hideyo Noguch Africa


Dr Jean-Jacques Muyembe-Tamfum ya Congo démocratique azwi mbando ya edition ya misato ya Hideyo Noguch Africa na maboko ya Premier ministre ya Japon Shinzo Abe, na Tokyo, Japon, 30 août 2019.

Dr. Jean-Jacques Muyembe-Tamfum azwi mbando ya edition ya misato ya Hideyo Noguch Africa mpo na misala mya ye ya zebi (recherches), miye mibimisi mpo na mbala ya yambo nkisi ya kobikisa Ebola.

Premier ministre ya Japon Shinzo Abe nde apesi mbano yango na milulu o’mokolo ya mitano, 30 août 2019, na Tokyo, Japon.

Milulu myango misalami ntango ya bokutani ya molongo mpo na ntombwa ya Afrika (TICAD).

Dr. Muyembe azali mokambi INRB (Institut national des recherches biomédicales) mpe mokambi ya cellule technique (misala) ya kobundisa Ebola.

Bato na zebi (scientifiques) na molongo bandimi ete nkisi ya Dr. Muyembe elongo na mosusu ya ekolo Amerika, ezali solo kobikisa bokono noye bozali komonana lokola ezali mono.

"Banda lelo, tokoloba ete bokono boye bokoki kobikisama," elobaki Dr. Muyebe. "Mono moye tozwi ekobikisa bomooi ya nkoto na bato," ebakisi Dr. Muyembe.

Dr. Muyembe abandaki mono na ye mAb11 na sanza zomi na moko eleki. mAb11 epasami na bakoni mingi mpe ekitisi bokufi na 34%, kolanda malabo ya Dr. Muyembe.

Nkisi esusu, ya Amerika, REGN-EB3, yango ekiyisi kufa bano na 29%.

Nzokande bakonzi ya mboka balobi ete bokono boye bosili koboma bato 2.000 banda koleka mibu mibale yango ezali kongala na monyele ya RDC. Bato koleka 3.000 nde basilaki kozwa bokono yango.

Dr. Muyembe azwi mbano yango elongo na Francis Genvase Omaswa ya Uganda.

Voir les commentaires

XS
SM
MD
LG