Liens d'accessibilité

Dernières nouvelles
RDC

Greenpeace esengi lisusu Tshisekedi koboya misala ya pétrole na parc ya Salonga


Baye ya Greenpeace Afrique na bavandi na parc ya Salonga, na Cuvette centrale, bazali kosenga bobatelami ya 30 millions ya tonnes ya carbone, le 8 août 2019. (Twitter/Greenpeace Afrique)

Greenpeace Afrique, ONG ya kobatela environnement mpe zamba, esengi lisusu mokonzi ya Congo démocratique, Félix Tshisekedi, koboya misala minso ya boluki to ya kozuwa pétrole na parc ya Solnga, na Cuvette Centrale.

ONG eye eyebisi ete ezuwaki te eyano ya malonga na mokanda etindaki le 21 juin 2018 na Premier ministre Bruno Tshibala, Union européenne, elongo na Etats-Unis, Canada mpe Suisse.

Greenpeace ekundoli ete Cuvette Centrale etondisami to ezipami na ba tourbières (mabele etonda charbon to mabanga ya makala) eye bato na zebi (chercheurs scientifiques) bamonaki kala te mpe bakanisi ete ebombi milliards 30,6 ya tonnes ya carbone.

“Ba tourbières ezali bombe ya carbone, esengeli batala yango lokola etando ‘epekisami’ na misala minso ya ba compagnies. Greenpeace ebandeli kosenga, lokola esalaki le 12 mars, na président Félix Tshisekedi, koboya ba blocs pétroliers epesamaki na compagnie ya makele (mines) ya ekolo Congo SPRL (CoMico) mpe na DIG Oil,“ esengi Greenpeace.

ONG eye eyebisi F. Tshisekedi “apekisa misala minso ya ba compagnies na parc ya Salonga mpe na ba troubières ya RDC mpo na kopesa nzela te na likama ya écologie na mboka mpe mokili mobimba“, ekomi Greenpeace.

Votre avis

Voir les commentaires

XS
SM
MD
LG