Liens d'accessibilité

Dernières nouvelles

Ministre ya Intérieur ya Sud-Kivu alobi Ruberwa nde atindaki milulu mya Minembwe


Azarias Ruberwa, vice-président ya kala ya RDC atomboli maboko na milulu na Kinshasa, RDC, 30 juillet 2006.

Ministre ya mambi ya Kati ya Etuka ya Sud-Kivu Lwabanji Lwasingabo alobi ete Ministre ya Décentralisation ya mboka Azarias Ruberwa nde apesaki mitindo ete botiami na ebongo ya bourgmestre ya Minembwe bosalama.

M. Lwabanji akomi yango na liyebisi abimisi nsima na M. Ruberwa koloba lundi na Assemblée nationale ete ministre ya mambi ma kati ya Sud-Kivu mpe mokambi ya etuka nde basalaki milulu myango nsima na bosangi bwa bayi société civile.

Ezali ministre d’Etat, ministre ya Décentralisation, Azarias Ruberwa nde, ntango tozalaki na mesa na butu nsima na bokomi bwa biso na Minembwe le 27 septembre 2020, asengaki mokambi mwa etuka kotia na ebonga bourgmestre ya commune rurale eye, ekomi M. Lwanbandji.

M. Ruberwa alobaki ete azalaki kutu ten a milulu misalamaki.

M. Ruberwa asengaki ngonga 48 na bakeli mibeko mpo na koyanola na mituna mitunamelaki ye lundi.

Abengisamaki na Assemblée nationale na mokeli mobeko Muhindo Nzangi koyanola nsima na nungu ngungu ebimaki na mboka wuto bourgmestre Gadi Mukiza avandisamaki na embonga ya bourgmestre na Minembwe le 28 septembre.

Président Félix Tshisekedi atelemisaki yango mpo na kozela lipinga lya baton a boyebi kokata likambo lya ba Banyamulenge na Minembwe.

XS
SM
MD
LG