Liens d'accessibilité

Dernières nouvelles

Minaku na Sakata bazali komibongisa kokutana na bazuzi


Aubin Minaku na parlement ya RDC, Kinshasa, 15 nombre 2016.

Aubin Minaku na Garry Sakata, bakeli mibeko ya FCC ya Joseph Kabila, bamilengeli kosolola na bazuzi mpo etali mibeko babongisi. Bato mingi batelemeli bango.

Bakeli mibeko babale baye bango nde basalaki mibeko misato ya kokamba bazuzi mpe parquets, miye botalami na yango na Assemblée nationale botelemisamaki nsima na mobulu baye bazali kotelemela bango bazali kosala na mboka mobimba.

MM. Minaku na Sakata bamipesaki mosala ya kolimbola mibeko myango na bato banso.

Bakutanaki na cardinal Fridolin Ambongo, episkopo ya lokumu ya Kinshasa, o’mokolo mwa mposo.

"Tokoki lisusu te kolongola mibeko myango mpo esili epesamaki na pleinière, esengeli etalama kasi yambo esengeli Assemblée nationale etala dynamique populaire. Yango biso tozali kosala oyo esengeli na ntina ya kolimbola nini mibeko misato miye mizali," elobaki M. Minaku.

Bakeli mibeko baye balaki kosolola na bazuzi mpo na kolaksi bango soki yango ezali nini mpo bango nde bato ba yambo mibeko miye mitali.

Dimanche 19 juillet, bato batambolaki na bosenga ya CLC (Comité laïc ya coordination) mpe ba mouvements citoyens mpo na kosenga mbongwana na CENi mpe na misala ya mapoami mpe koboya mikano miye misatu.

Mposo moleki, bituluku bikita na balabala nse mpo na yango na bosengi ya lingomba Lamuka, lokola mpe mposo moko yambo bato mpe batambolaki.

XS
SM
MD
LG