Liens d'accessibilité

Dernières nouvelles

VPM Ministre ya Bosembo Tunda akangami


Vice-Premier ministre ministre ya mambi ya Bosembo Célestin Tunda ya Kasende, Kinshasa, 2020 (Facebook/Bénoit Muamba)

Me Célestin Tunda wa Kasende, Vice-Premier ministre mpe ministre ya mambi ma Bosembo akangami lelo na mitindo mya procureur ya république ya Cour ya cassation. Azali koyanola na bazuzi.

Bayi libota lya ye bayebisi ete ba policiers bakendaki kozwa ye bazalaki na mokanda mwa procureur ya Cour ya cassation motiyamaki manzaka vendredi.

M. Tunda afundamaki vendredi mpo na kotinda na nkombo ya mbulamatari mokanda motali mabongisi ma mbongwana na misala mya bosembo mizalaki kosalama na Assemblée nationale na bobandisami bwa ba députés Aubin Minaku mpe Garry Sakata ya PPRD, lingomba lya mokonzi ya kala Joseph Kabila

Nkanda ezalaki na likita lya mbulamatari vendredi mpo mokonzi ya mboka, ministre wa Yambo mpe misusu bapalelaki Me Tunda kobaluka na nsima ya mokongo mwa likita ya bakambi.

Baike bafundi ye na kosalela lokuta mpe kokosa.

Mokonzi ya mboka atikaki likita lya mbulamatari mpe asilisaki kobamba lyango te. Kasi misala muya président bayebisaki ete ezalaki mpo na bokutani na bakonzi ba mboka misusu na video-conference.

Mublamatari elobaki ete ntina ya mbongwana ya misala mwa bazuzi eye esengami na bayi FCC ezali nalitomba ya lombango te sik'oyo.

Commission Politique Administrative mpe Justice ya Assemblée nationale elobaki mpe ete ntina na yango ezali te sik'oyo.

Me Tunda amemami na Cour ya cassation.

Bayi société civile lokola ACAJ mpe bato basusu basengaki bokangi mpe bolongolami bwa me Tunda na mbulamatari mpo na yango.

Mabongisi ma mibeko misato mizali kopesa makoki na ministre ya Bosembo kopesa mitindo miike na bazuzi.

Bato baike bakitaki o'balabala mikolo mingi mposo eye mpo na koboya mabongisi mango. Babunaki, ba mpunzaki mpe batiaki moto na ndako mpe biloko biike ya ba députés ya PPRD na FCC.

XS
SM
MD
LG