Liens d'accessibilité

Dernières nouvelles
RDC

Police esengami kolakisa elongi ya bomoto ntango ONU efundi bozwami basi na makasi


Mokambi ya police ya etuka mpe engumba ya Kinshasa, Commissaire div. Sylvano Kasongo kati ya ba policiers na Kinshasa, 30 juin 2018.

Ministre ya Intérieur, Gilbert Kankonde, asengi police elakisa elongi ya bomoto. Ezalaki na milulu ya bolakisami na ye na ba policiers na Commissariat général ya Police nationale congolaise (PNC) na Kinshasa.

Ministre Kankonde alobi makambo maye ntango Nation unies etangi police kati baye bazwaka basi mpe babali na makasi.

Ministre Kankonde akundoli ete ekolo mboka ezali na bosenga ya police mpe ba policiers esengeli bazala na esengo mpe lipumbu ya mosala bapona, ya kozala bomoko mpe bakengeli ya kimya.

Nasengi bino bopesa esika ya yambo na mosala na binso ya bato ya l’Etat, na koteya bana mboka, na esika ya konyokola na makasi bandeko babino, elobi M. Kankonde.

Ezala se na lolenge loye nde tokokoka kopesa elongi ya bomoto na PNC oyo esengeli ezala mingi mpo na kokitisa mitema ya ban aya mboka na esika ya kozala likama na bango, abakisi.

Ministre Kankonde alobi makambo maye ntango Nation unies etangi police kati baye bazwaka basi mpe babali na makasi.

Kolanda Haut-commissaire ya mibale ya mambi ya makoki ya bomoto ya Nations unies Kate Gilmore, koleka bato nkama libwa, basi mpe babali, bazwamaki na makasi na mobu moko na ekolo Congo démocratique.

Basado, bapulusu mpe basimba minduki nde bafundami na kosala mbeba yango, eyebisi Kate Gilmore.

Mbeba yango esalami mingi mpenza na monyele ya Congo démocratique. Nzokande bakonzi mampinga baboyi likambo yango mpe balobi ete misala ya bolukiluki mitiyama mpo na kolandela soda nyonso afundami na likambo yango.

Voir les commentaires

XS
SM
MD
LG