Liens d'accessibilité

Dernières nouvelles
RDC

Police ya Kinshasa elobi ezuwi baye bakanga basi na taxi "Ketch"


Police nationale ebimisi photo ya motuko ya taxi Toyota IST "Ketch" ya bato mabe baye bakangaka basi mpe bamama na Kinshasa, 12 août 2019. (Police nationale Congolaise)

Bakonzi ya Police nationale na etuka ya Kinshasa bayebisi ete bakangi bato mabe mitano baye banyokolaka bilenge basi mpe mama na mituka Toyota IST miye mibengami "Ketch" na engumba eye.

Commissaire Divisionnaire Adjoint ya police nationale mpe mokambi ya Kinshasa, Sylvano Kasongo Kitenge alobi yango na liyebisi.

Asengi na baye banso bakweyaki na maboko ya bato baye batala ba photos abimisi mpe baleka na Etat-major ya police nationale ya Kinshasa soki bayebi bilongi na bango.

Basi ebele mpe bamama balelaka ete nsima na kokota na taxi ketch, bamemaki na bato mabe.

Bato yango babetaka ba bilenge basi bamama, babotoloka bango biloko nyonso mpe babwakaka bango nsima ngonga mingi mosika na esika bavandaka.

Voir les commentaires

XS
SM
MD
LG