Liens d'accessibilité

Dernières nouvelles

Milulu mingi mpo na kosenga TPI mpo na RDC mibu 10 nsima na rapport mapping


Bato batambolaki na mpo na kosenga botiami na mosala ya rapport mapping ya ONU, na Bukavu, Sud-Kivu, 1er octobre 2020. (Twitter/Jean-Baptiste Badesire)

1er octobre 2020… Mibu zomi mikoki wuto rapport mapping ya Nations unies ebimisaki. Na Kinshasa… Police epanzi bato balingaki kotambola na Kinshasa mpo na kosenga botiami na mosala ya rapport mapping ya Nations unies. Bato batambolaki bisika misusu na RDC.

Na Bukavu bato baike batambolaki. Na Kinshasa, ECC, Ecclezia ya Kristu na RDC, ebandi lelo kolamusa bato mpo na rapport eye.

Mabongisi ma ECC makosalama na mibu misato. "Ezali makanisi matali misala mya bosembo… Mpo na biso ezali elonga mpo na Congo, mpo na bato bazwaki mpasi mpe mpo na lisitwale ya biso banso liye tokabolaka na mboka nzinga nzinga, esakoli molobeli ya ECC," motambwisi mpate Eric Nsenga.

Rapport yango etalisa mbeba mpe bobomi bosalamaki na Ekolo Congo démocratique kati na 1993 kino 2003.

Mampinga ma bikolo biike matanga na kati. Mingongo mingi mitombolamai mpo na kosenga Tribunal pénal international mpo RDC nsima na maloba Prix Nobel ya Kimya Denis Mukwege asengaki yango na Parlement européen mposo moleki. Milulu misala bisaka mingi mpo na yango na Kinshasa mpe libanda lya mboka.

XS
SM
MD
LG