Liens d'accessibilité

Dernières nouvelles

Basoda ya Monusco bazongeli kobatela Dr. Mukwege


Dr Denis Mukwege, Prix Nobel ya kimya, azingami na basoda ya Monusco na lopitalo ya Lemera, na Bukavu, Sud-Kivu, 14 janvier 2013.

Basoda ya Monusco, misala mya ONU na Congo, bazongeli kobatela Dr Denis Mukwege, prix Nobel ya Kimya ya 2018. Mingongo mingi miyokanaki kosenga bokengi ya monganga oyo abikisa basi bazwama na makasi nsima na maloba ya kobangisa ye.

"Topesi losako na botiami ya basida ya Monusco na Panzi wuto ntongo ya lelo na ntina ya kosala bokengi ya bakoni mpe ya basali na biso. Matondi na Nations unies mpo na kobatela biso," ekomi Dr.Mukwege.

Mikolo mileki, bato baike batombolaki mongo mpo na kosenga mbulamatari ya RDC mpe Monusco kozongela kosala bokengi ya Dr. Mukwenge nsima na maloba ma bobangisi bato songolo batindelaki ye wuto azali kosenga botiami na mosala ya rapport mapping ONU ebimisa.

Union européenne mpe mangomba misusu basengaki mpe bokengi ya Dr. Mukwege.

Rapport mapping elakisaka mosapi na Rwanda mpo na bobomi mingi mampinga na yango masala na RDC.

Maloba ma bobangisi mingi mawuatki na Rwanda.

Dimanche 7 septembre 2020, président Paul Kagame ya Rwanda ayanolaki na kolaba été rapport mapping ezali ekala ya mikili mya libanda ya Afrika miye mizali koluka kopakola meba na mokongo ya Rwanda.

XS
SM
MD
LG