Liens d'accessibilité

Dernières nouvelles

Bituluku bitamboli mpo na kosenga bobatelami bwa Dr. Mukwege na Bukavu


Prix Nobel ya kimya Dr Denis Mukwege azali kopesa lisukulu liboso lya bituluku na Bukavu, Sud-Kivu, 27 décembre 2018.

Bato baike batambolaki na Bukavu na Sud-Kivu, mpo na kopesa maboko na Prix Nobel ya kimya, Dr Denis Mukwege na bitumba na ye mpo na bosembo likolo na bobomi bosalamaka na Ekolo Congo démocratique.

Batamboli basengi bokengi mpe bobatelami ya monganga ya lipaso oyo, na kotala maloba ma bobangisi matindelami ye mikolo miye.

"Bakonzi basengeli baluka mpe bayeba bato bazali kotinda maloba maye ya bobangisi mpe misla mya bosembo misala maye masengeli mpo na kosukisa yango," elobi na Josaphat Baraka, mobundi mwa makoki ma bomoto.

Basi to bamama baye basalimaka na lopitalo ya Panzi bazalaki kati na batamboli.

Lopitalo Panzi, na Bukavu, ezali ya Dr. Mukwege. Kuna nde monganga moye ya lipaso asalisaka mpe asi asalisa basi mingi babebisama na kozwama na makasi na basali bitumba na monyele ya RDC.

Dr. Mukwege asengaki mposo moye, liboso ya parlement européen, tribunal pénal international mpo na mbeba esalama na RDC wuto 1996.

Asengaka mpe botiami na mosala ya rapport mapping ya ONU eye elakisa bobomi mpe mbeba mingi ya RDC.

Wuta ntango wana, bato mingi batindelaka ye na libota lya ye maloba ya kobangisa na kosala ye mabe. Baike, bazali bakonzi ba Rwanda.

Voir les commentaires

XS
SM
MD
LG