Liens d'accessibilité

Dernières nouvelles

Mbulamatari ya Trump ebandi misala mya kopesa bokonzi na Biden


President Donald Trump na Washington, 20 novembre 2020.

Mbulamatari ya président Donald Trump ekomeli Joe Biden, "president-elect" to mokonzi amonisami na maponami mpo koyebisa ye te akoki kozwa bisaleli bya mokonzi ya mboka kolanda maponami masalamaki le 3 novembre 2020.

"Namoni ete okoki kozwa makoki mpe misala milandaka maponami," ekomaki o’mokolo mwa yambo na mpokwa mokambi ya ba services généraux (GSA), Emily Murphy, na mokanda atindeli vice-président ya kala Biden.

Mpo na M. Trump mokanda yango molingi koloba te M. Biden nde akozala mokonzi ya mboka.

"Boyeba ete GSA ezali somo, mpe Emily Murphy asali mosala malamu, kasi GSA elobi te nani akozala mokonzi ya sika ya Etats-Unis," ekomi M. Trump na Twitter.

Kolanda mokanda yango, M. Biden akopesama $ 6,3 millions, koleka million moko ekozala mpo kolakisa bato mosala mpe kokotisa bango na mosala.

Mokano moye mopesi nzela na bopesani bokonzi mpe mokosala ete M. Biden akoka kosala na ba Agences fédérales na ntina ya kokamba makambo manso kino akokvandisama na bokonzi na milulu ya kolapa ndayi le 20 janvier 2020.

Kasi M.Trump nanu andimi mpenza elonga ya M. Biden. M. Trump akomi na Twitter ete "bitumba" bya ye bizalai "ya sembo" mpe "akanisi ete akolonga".

Lobi Loleki Etat ya Michinga endimaki na bokonzi elonga ya JoeBiden na etando na yango.

Bosenga ya Donald Trump bozali kokweyisama bisika mingi mpo bazuzi balobi apesi te bilembo bilakisi maye azali kofunda.

Lobi loleki Joe Biden atiaki bato bayambo ba mbulamatari na ye.

Joe Biden aponami bato bayambo bakozala na mbulamatari na ye. Mpo na mbala ya yambo mwasi akokamba bokengi ya mayele, latino akokamba bokengi ya kati na mboka mpe ntoma John Kerry azongi na maye matali climat.

XS
SM
MD
LG