Liens d'accessibilité

Dernières nouvelles
RDC

Mayi makokatama te na Kinshasa, elobi mbulamatari


Président Félix Tshisekedi atiaki libanga ya bobandi misala ya botungi usine ya mayi ya Régideso na Ngaliema, Kinshasa, 23 décembre 2019. (Facebook/Tina Salama)

Mayi ma komela makokatama te na Kinshasa na ba mpompi ya Régideso ntango ya ba feti, eyebisi ministre ya Ressources hydrauliques et de l’Électricité, Eustache Muhanzi Mubembe.

Yango eyeno apesi na bokebisi bopsamaki o’mokolo mwa eyenga na délégation syndicale ya Régideso (Régie ya bopetoli mpe bokaboli mayi ya petwa na RDC).

Te, mayi makokata te mposo oye na Kinshasa… Ntina ya kobanga pamba pamba te. Nkisi (nitrats ya potabilisation) ekosombama mpe mayi makokoba kobima na mpompi, eyebisi ministre Eustache Muhanzi Mubembe na milulu mya botiei libanga lya yambo lya botongi Complexe industriel ya traitement ya mayi ya komela, na Ngaliema, na Kinshasa

M. Muhanzi alobi azali kolandela likambo yango mpenza mpe alakisi bolingi na ye ya kopesa maboko mpenza na Régideso na bokokisi ya misala mya yango ya litomba monene.

Délégation syndicale ya Régideso elobi ete mbulamatari esengeli efuta nyongo ya 5,410 millions $ ya factures.

Nzokande ministre ya Finances Sele Yalaghuli asakoli na liyebisi ete azali kosala nyonso mpo na kofuta ndambo ndambo ba factures ya mayi ya l’Etat na Régideso.

Président Félix Tshisekedi nde atiaki libanga ya bobandi misala ya usine eye.

Ministre ya Finances alobi ete "akoki te kondima kofundama mpo na mokumba ya Régideso mpo yango etali bakambi mpe baye basimbi libenga ya compagnie eye".

Voir les commentaires

XS
SM
MD
LG