Liens d'accessibilité

Dernières nouvelles

Mangomba 70 ma basimba minduki mandimi kotika bitumba na Sud-Kivu


Lipinga lya lingomba FPDC lya basimba minduki yambo na likita lya Search for Common Ground na Murhesa, Sud-Kivu, 11 septembre 2020 (Ernest Muhero)

Balakisi bilongi ya mangomba 70 ya basimbuki batie manzaka na mokanda ya kotika bitumba na milulu misalaki mardi na Murhesa na Sud-Kivu na lisungi lya ONG ya Amerika Search for Common Ground.

"Mangomba manso ya basimba minduki ya Sud-Kivu mandimi kotika bitumba mpe koyebisa babundi na bango," elakisi mokanda mosalami nsima na mikolo misato mya misala na Murhesa, pene na Bukavu.

Ministre ya Bobateli ekolo Sylvain Mutombo azalaki na milulu muango.

Le 23 décembre mangomba pene na 22 batiaki manzaka na mokanda mosusu ya kotika bitumba.

Kasi, bitumba bikobaki.

Wuto libandela lya mobu, bato 139 bakufaki na bitumba na Sud-kivu, kolanda KST (barometer sécuritaire ya Kivu).

Milulu miye mizali kosalama nsima na mokonzi ya sika Félix Tshisekedi koloba na bozwi bokonzi na ye ete atandi maboko na mangomba manso ma babundi mpo bakotika bitumba.

XS
SM
MD
LG