Liens d'accessibilité

Dernières nouvelles

Mbulamatari epekisi kotimola minerais na maboko na esika bato pene na 50 bakundamaki na Kamituga


Bato bazali koluka nzoto ya batimoli ekundamaki na mine ya wolo na Kamituga, na Sud-Kivu. 12 september 2020.

Nsima na likama ya vendredi eleki, liye limemaki kufa na bato pene na 50, mbulamatari ezwi mokano ya kopekisa misala minso ya ba creseurs artisanaux na mine yango na Kamituga, na Sud-Kivu.

"Mbulamatari ezwi mokano ya kosala bolukiluki mpo na likama lyango kasi ezwi mpe mokano ya kotelemisa exploitation artisanale (botimosali mine na maboko) na esika yango," elobi vice-premier ministre mpe ministre ya Plan, Elysée Munembwe nsima ya bokutani ya comité ya conjoncture économique.

Mpo na mbulamatari, likama lyango lisamaki na kolanda mpela ekasi ekwayaki mokolo ya vendredi.

"Kino sik’oyo motango ya bato bawei mozali 50. Nzoto 20 ezwami kasi bazali kokoba koluka misusu," ebakisi Mme Munembwe.

Na Kamituga, bolukiluki bozali kokoba kasi na mpasi.

Molobeli ya batimoli makele alobi bango moko nde bazali kosala makasi.

Maire to mokambi ya Kamituga, Alexandre Bundia,ayebisaki VOA Lingala ete mairie epesaki mwa makoki mpo na yango.

Lipinga lyoko mokambi ya etuka atindaki likitaki na sika yango kolongwa Bukavu, engumba mokonzi ya Sud-Kivu.

Maire etiaki nzoto 20 eye ezwamaki o'lilita mpo ezalaki ya kobeba mingi, elobi M. Bundia.

XS
SM
MD
LG