Liens d'accessibilité

Dernières nouvelles
RDC

Lamuka ekomi plateforme politique


Banda G. ti D. : Martin Fayulu, Antipas Mbusa, Adolphe Mozito, Jean-Pierre Bemba, Moïse Katumbi na Freddy Matungulu, na bokutani ya lingomba Lamuka na Bruxelles, Belgiques, le 26 avril 2019. (Twitter/Lamuka International)

Lingomba Lamuka ekomi lisanga ya bitumba ya poliki to plateforme politique, elobi bakambi na yango na nsima ya bokutani na ya mikolo mibale na Bruxelles, na Belgique.

Bakambi motoba ya lingomba liye (Moïse Katumbi, Freddy Matungulu, Jean-Pierre Bemba, Adolphe Muzito, Antipas Mbusa na Martin Fayulu) batiyaki manzaka na mokonda na bosilisi liyangani liye.

Bazuwi mokano ya kotiyana na esika présidence tournante ya sanza misato, eye ekokambama na kolanda ndenge bakombo bitangami (Moïse Katumbi, Freddy Matungulu, Jean-Pierre Bemba, Adolphe Muzito, Antipas Mbusa na Martin Fayulu).

Baloki bazali nsima ya meeting Martin Fayulu akosala na mokolo ya eyenga na place Ste Therese, N’Djili, na Kinshasa.

M. Fayulu asakoli ete bakokota te gouvernement mpe bakokoba kobunda mpo na bosolo ya maponami.

"Na zali monguna ya Félix Tshisekedi te... Félix Tshisekedi alongangi maponami te. Tokoteka bana mboka te. Tokokoba kobunda mpo na bango. Ezali na bayike balingi babongola Mobeko likonzi, kasi tokotelemela bango," elobi M. Fayulu.

Moïse Katumbi ayebisi ete atikali na lingomba liye mpe ezali constant (moto ya sikisiki).

XS
SM
MD
LG