Liens d'accessibilité

Dernières nouvelles

Général Amisi "Tango Four" alongwe na bokambi A.S. V.Club


Gérénal Gabrieil Amisi Kumba "Tango Four" mokambi ya AS. V.Club, Kinshasa. (Facebook/V.Club Télévision)

Général Gabriel Amisi Kumba "Tango Four" asakoli jeudi ete alongwe na bokambami ya A.S. V.Club nsima na mibu zomi na mibale.

"Président Gabriel Amisi atindi nga kosakola… ete nzoto na ye ezali na mposa ya kopema moke lokola azali mpe na mikumba minene kati na ekolo. Akinisi lisusu ete kotala ete asaleli V.Club mingi, mibu zomi na mibale, ntango ekomi akende kopema," elobi liboso ya bapanzi sango na Kinshasa conseiller ya bokambi Marketing ya équipe V.Club, Doteur Noah.

Général Amisi oyo abengamaka "Tango Four" azali Chef d'état-major ya mampinga ya Ekolo Congo démocratique ya mambi ya bokengi mpe boluki.

Mokano mwa ye mosakolami mikolo nsima na rumeur moko etambolaki mingi.

Général "Tango Four" azwaki bokambami ya V.Club na 2008 ntango équipe ezalaki na nkwokoso.

Amemaki V.Club na elonga ya chamionnats ya mboka mbala misato (2010, 2015 mpe 2018).

Baiike kati na comité ya V.Club bazali kobondela "Tango Four" azongo.

XS
SM
MD
LG