Liens d'accessibilité

Dernières nouvelles

Kobe Bryant alingaki afungola académie na Afrika to na RDC, elobi Didier Mbenga


Kobe Bryant (G) ya Lakers Los Angeles na baninga baye Didier Ilunga-Mbenga (2e D) na Shannon Brown na Atlanta, Etats-Unis, le 29 mai 2009.

Kobe Bryant, mosani monene ya basketball ya NBA (championnat national américain) oyo akufaki dimanche na likama ya hélicoptère, azalaki na makanisi malamu mpe na Congo mpe na Afrika, etatoli Dider Mubenga ya Congo démocratique oyo abetaki mpe alongaki elongo na Kobe Bryant na Lakers Los Angeles.

"Tokomelanaki ba SMS (texto) lobi (mokolo moko yambo na likama)," elobi na AFP mwana ya RDC oyo abimaki champion na NBA na 2009 na 2010.

M. Mbenga alobi ete nkondo Kobe azalaki na makanisi ya kokela académie ya basketball na Afrika, mbele na RDC.

"Tozalaka na groupe Whatsapp ya ba Lakers. Namonaki bato kokoma mingi mpo na Kobe kasi nayebaki te soki ezalaki nini. Nakomelaki Kobe mbala ebele kasi na zwaki eyano te. Namekaki kobenga moninga na ye moko kasi azalaki kaka kolela… Tango wana nde na sosolaki," elobi Mbenga.

Basketteur Mbenga atatoli ete nkondo Kobe azalaki moto malamu mpe azalaki kotindika to kolendisa baninga na mosala.

Tango babima ba champions na 2010, M. Mbenga alobi nkondo Kobe asombelaki baninga banso ya club montre na bilembo ya nkombo ya moko na moko.

XS
SM
MD
LG