Liens d'accessibilité

Dernières nouvelles
RDC

Etats-Unis na mboka esusu bapameli Cour constitutionnelle mpo na kolongola ba députés


Mike Hammer, ntoma ya Etats-Unis (na katikati) na masolo na bato basusu na ambassade ya Etats-Unis, Kinshasa, 11 juin 2019. (Facebook/Ambassade ya USA)

Bakambi ya ba Mission ya Etats-Unis, Royaume-Uni, Suisse mpe Canada bapameli Cour constitutionnelle mpo na miko miye milongoli ba parlementaires bayike.

"Tosepeli te na kongalisama ya kobendana kati na baye ya politiki ya Ekolo Congo démocratique eye ewuti na mikano ya Cour constitutionnelle ya koboya maponami ya koleka 30 parlementaires, mpe mingi kati na bango baye ya opposition," elobi liyebisi ba bakambi ya ba Missions miye babimisi.

"Mikano ya Cour constitutionnelle mizwamaki libanda na ndelo ya ntagno etiyama na mibeko mpe mizali kobebisa lolelnge ya kimya mpe mitie na likama libaku liye limonisami na maponami ya président mpe ya légialstives, mpo na mbongwana moye ba naya Congo baponelaki," ekomi ba ntoma ya mboka miye.

Bakambi ya ba missions baye balobi basepeli te. Mpo na bango, mikano ya Cour constitutionnelle miboti ntembe mpe kozanga kotiyela motema epayi ya Bana Congo.

"Totelemeli bitumba mpe to sengi baye banso ya politiki baboya mobulu," elobi ba ntoma baye na mokanda na bango.

XS
SM
MD
LG