Liens d'accessibilité

Dernières nouvelles

RDC

Ba Congolais ya ngambo mibale  bakangemi na komeka kokota na Etats-Unis wuta Mexique

Bato bayike bazali kokatisa wuta San Antonion na Venezuela mpo na kokende Cucuta na Colombia. le 3 mai 2019.

37 Congolais ya Congo démocratique mpe ya Congo-Brazzaville bakangami nsima na kokota na Etats-Unis na bozangi mikanda, wuta Mexique, ekolo ezwami na nse ya Amerika, elobi bakonzi babatelaka ndelo.

Bakonzi ya ndelo ya Amerika balobi ete ba Congolais baye bakatisi na moyibi mpe na kozanga mikanda.

“Motango ya bapaya baye bakangami na kokoka na moyibi, mpe bawuti na mboka nzinganzinga te, mozali komata,“ elobi mokonzi ya basinzili ya ndelo ya secteur ya Del Rio, Raul L. Ortiz, kolonda misala ya bobateli ndelo ya Etats-Unis.

“Mabota mazali koya na motango ya ba nkoto mpo na kokota na moyibi na Etats-Unis mpe kosalela mibeko na biso mitali bapaya,“ ebakisi M. Ortiz.

Banda le 1 octobre, ebandeli ya mobu mpo etali mpako, ba policiers bakangi koleka 27.000 bato bawuti mboka Mexique te kasi mboka 37 esusu.

Bokangami ya bapaya baye ba wuti na Mexique te bomati na pene na 500% koleka mobu moleki.

Mokonzi ya Etats-Unis, Donald Trump, asengaka parlement ya Etats-Unis misolo mpo na kotonga efelo na ndelo na Mexique mpe kopekisa bapaya kokota na moyibi na mabele ya Amerika.

Bato bayike bakufaka na koluka kokota na moyibi mboka misusu. Basusu bamekaka kokatisa mbu enene nto mayi ya ndenge na ndenge na bwato eke to na makolo.

See all News Updates of the Day

Concerts mibale ya Koffi Olomide eboyami na Afrique du Sud

Alanga nzembo Koffi Olomide ya Congo démocratique, 1er avril 2018. (Twitter/ Koffi Olomidé)

Ba concerts mibale ya alanga nzembo ya Congo démocratique Koffi Olomide ekobetama lisusu te, eyebisi baye babongisa yango.

Ba concerts byango eboyami ntango campagne ezali kosalama ba réseaux sociaux mpo na kopekisa Koffi Olomide kobeta mindule nsima na bokweyisami na ye mibu mibale na sursis, na ntina ya atteinte sexuelle afundamaki na yango.

"Mindule ya Koffi Olomide mikobetama lisusu te le 28 juin na Gallagher Convention Centre (ya Johannesburg," ekomami na liyebisi libimi mercredi.

Esengelaki Koffi Olomide abeta miziki le 28 juin na Johannesburg mpe le 30 juin na Cap.

"Shimmy Beach" esakoli mpe mokano ya koboya concert ya Koffi.

Bisika babale (ba salles) baye balobi te ntina nini baboyi. Kasi campagne ebengami #StopKoffiOlomide ezali kosalama mpo na kopekisa moyembi moye kobeta na Afrique du Sud to Afrika ya Ngele.

Na mars, bazuzi bakatelaki Koffi mibu mibale ya boloko mpo na atteintes sexuelles na babini na ye ya kala. Kasi yango elingi koba été akosala boloko te.

Etats-Unis na RDC balingi bakolisa boyokani ya mampinga

Président Félix Tshisekedi na bokutani na Général de brigade Steven deMilliano ya mampinga ya Etats-Unis, na cité ya Union africaine, Kinshasa, 18 juin 2019. (Facebook/présidence de la RDC)

Président Félix Tshisekedi nde akutanaki na Général de brigade Steven deMilliano ya mampinga ya Etats-Unis mpo na masolo matali mampinga, mardi na cité ya Union africaine na Kinshasa.

Na mokambi moye ya centre AFRICOM, Félix Tshisekedi atalaki ndenge nini Etats-Unis na Congo démocratique bakobongisa malamu boyokani kati na mampinga ya bikolo mibale, eyebisi Ambassadeur ya Ameriki Mike Hummer.

Kolanda maloba ya ambassadeur Hummer, ezali na bolandi ya partenariat priviligié to boyokani ya litomba mpo na kimya mpe bokengi, boye bosalamaki na mobembo ya Félix Tshisekedi na Ameriki na avril.

Gén. de Brig. deMilliano azali elongo na bakambi misusu ya mampinga ya Aeriki elongo na Sous-secrètaire d’Etat adjoint ya Ameriki ya mambi ya makoki ya bomoto, démocratie mpe mosala, Scott Busby.

Sango ya le 19 juin 2019 ya 16h TU na VOA Lingala

Sango ya le 19 juin 2019 ya 16h TU na VOA Lingala
Attendez s'il vous plaît

No media source currently available

0:00 0:05:01 0:00

RCD/KML eyebisi ntina nini Mbusa atiki Lamuka

RCD/KML eyebisi ntina nini Mbusa atiki Lamuka
Attendez s'il vous plaît

No media source currently available

0:00 0:01:19 0:00

S/secrétaire adj. ya USA mpo na makoki ya bomoto azali na Kinshasa

Sous-secrètaire d’Etat adjoint ya Ameriki ya mambi ya makoki ya bomoto, démocratie mpe mosala, Scott Busby (D.) na masolo na abbé Bonatien Nshole, kalaka mokonzi ya CENCO, Kinshasa, 18 juin 2019. (Facebook/US Embassy Kinshasa)

Sous-secrètaire d’Etat adjoint ya Ameriki ya mambi ya makoki ya bomoto, démocratie mpe mosala, Scott Busby akutani mardi na mokambi ya Assemblée nationale Jeannine Mambunda.

M. Busby alobi ete aye na Congo démocratique mpo na kosolola na bakambi ya ekolo eye na oyo etali ba priotrités ya mboka mpe makoki ya bomoto.

Masolo na bango mpe matali bitumba na kanyaka, biye mokonzi ya mboka Félix Tshsiekedi alobi bikozala boko ya makambo ya yambo ya kosala.

Akokokutana mpe na bakambi basusu ya congo démocratique.

Voir plus

XS
SM
MD
LG