Liens d'accessibilité

Dernières nouvelles

Afrique

Etats-Unis na Europe basengi bokutani ya lobango na ONU mpo na Soudan

Bayi mboka Soudan bazali kosepela na boleki ya mituka ya mampinga nsima na bokweyisi ya bokonzi ya Omar el-Béchir, na Khartoum, Soudan, le 11 avril 2019.

Bakonzi ya Etats-Unis mpe ya Europe basengi bokutani ya Conseil ya sécurité nsima ya Coup d’Etat na Soudan.

Bokutani liye likosalama o’mokolo ya minei kasi likozala ya bikuke bikangama.

Mampinga ya ekolo Soudan makweyisi président Omar el-Béchir na bokonzi nsima na bato kotelemela bokonzi na ye.

Omar el-Béchir oyo azali na mibu 75, akweyisami na bokonzi nsima na kokonza Soudan mbula 30.

Kasi nsima na bokweyisami na bokonzi, baye bamemaki mobulu moye basepeli te. Basengi na bana mboka kokoba kotelema liboso ya quartier général ya mampinga na Khartoum, engoumba mokonzi ya Soudan.

See all News Updates of the Day

Sango ya le 15 mai 2019 na VOA Lingala

Sango ya le 15 mai 2019 na VOA Lingala
Attendez s'il vous plaît

No media source currently available

0:00 0:05:54 0:00

Rwanda na Ouganda bazali kobendana

Président Paul Kagame ya Rwanda, na gauche, na mokokani wa ye ya Ouganda, Yoweri Museveni na Dar es Salaam, 5 novembre 2015. REUTERS

Mampinga mpe bato ya bokengi ya Rwanda mpe ya Ouganda batondisami na ndelo kati na bamboka babale baye, eyebisi bavandi na bisika biye.

Bakumbi mituka minene mpe bato na mombongo bakimi bisika biye, kolanda sango epesami na Agence France presse.

Rwanda ekangaki ndelo na yango banda sanza ya mibale.

Kasi matata kati na Rwanda na Ouganda mazali komata nse komata. Mboka mibale miye mizali komifunda mpo komikengela to konongana moko na mosusu (to komiespionner, na Français).

Ndelo kati mboka mibale maye ekomi kokengelama na ekenge mingi.

Na sanza ya misatu moleki, Rwanda efundaki Ouganda na kokanga makasi bana mboka ya Rwanda bayike mpe kopesa maboko na batomboki balingi kokweyisa bokonzi na Paul Kagame ya Rwanda.

Président Yoweri Musevi ya Ouganda andimaki ete akutanaki na batomboki ya Rwanda kasi apesaki bango maboko te.

Mpo na Museveni bana ya Rwanda baye bakangamaki bazali nde ba espions to banongi.

Paul Kagame apamelaki yango ntango ya 25e anniversaire ya génocide na Rwanda, sanza moleki.

Pene na 10.000 bakimi bitumba ya Soudan du Sud bakomi na Aru

Bakimi bitumba ya Soudan ya Sud na bokomi na bango na ngambo ya RDC, le 10 mai 2019.

Bakimi bitumba na mboka Soudan du Sud bazali kokoba kokota na RDC, eyebisi mokambi ya HCR.

Pene na 100.000 bakimi bitumba ya Soudan ya ngele bamonisami na Aru, na etuka ya Haut Uele.

Bana ya Soudan baye bazali kokima bitumba kati na mampinga ya ekolo na bango na batomboki ya Front national du Salut (FNS), lingomba liye liboyi boyokani ya septembre eleki kati na president Salva Kirr mpe motelemeli mwa ye Riek Machar.

Bakima bitumba baye bazali na mpasi, bazali kolala na biteyelo mpe libanda.

Ebonga ya Premier ministre ekozala lisusu te na Sénégal

President Macky Sall na bureau na ye na Dakar, Sénégal, 4 avril 2019. (Facebook/Présidence de la République du Sénégal)

Ebonda ya Premier ministre ekozala lisusu te na Sénégal, kolanda mobeko mosakolami lelo. Mobeko mwango mowutaki na mokonzi ya mboka Macky Sall.

Tat mokonzi ya Sénégal asokoli mobeko likonzi moye molongoli ebonga ya Premier ministre, elakisi liyebisi ya gouvernement.

Mobeko yango etindakamaki na Macky Sall kasi eponamaki na majorité monene ya ba députés le 4 mai.

Bolongoli ya ebonga ya Premier ministre esengeli ekomisa makasi régime présidentiel na Sénégal, kolanda makanisi ya Macky Sall.

Nzokande opposition mpe société civile bazali komana ya ngo lokola lolenge ya mokonzi Macky Sall kokonza ye moko likolo ya misala nyonso ya ekolo.

Ba ministres 32 mpe bakalaka ya l’Etat misatu batikali namabonga na bango na gouvernement. Premier ministre Boun Abdallah Dionne ye nde akomi kalaka mokonzi ya présidence ya République, kolanda liyebisi ya gouvernement.

Macky Sall aponamaki lisusu na maponami ya le 24 février eleki.

Sango ya le 10 mai 2019 na 14h TU na VOA Lingala

Sango ya le 10 mai 2019 na 14h TU na VOA Lingala
Attendez s'il vous plaît

No media source currently available

0:00 0:06:02 0:00

Voir plus

XS
SM
MD
LG