Liens d'accessibilité

Dernières nouvelles
RDC

Epekisami na ba ministres kozwa likabo ya koleka $210 na mobu moko


Ministre wa yambo Sylvestre Ilunga Ilunkamba azali kokamba likita ya mbulamatari na Kinshasa, 17 septembre 2019. (Primature RDC)

Ba ministres mpe vice-ministres bandimi na mokanda batiaki mokoloto o’mokolo ya misato ete bakoki te kondima likabo ya koleka $210 (350.000 francs Congolais) na mobu moko.

"Nakoboya mosala na ngai"... soki na tosi te, endimi moko moko na bato 67 baye bazali na mbulamatari, na mokanda batie manzaka.

Mokanda yango mopekisi bango "kondima makabo ya koleka 350.000 francs congolais ($210) na mobu moko kowuta epayi ya baye bazali kosala na bango mosala, lolenge moko to mosusu".

Ministre wa yambo Sylvestre Ilunga Ilunkamba na ba ministres banso balapi ndayi ete bakosala "mosala na komipesa mobimba, na alima, na kotosa mibeko, na bosembo, na bosolo mpe na kozanga kopona mpo na ngambo moko na bozali na bango na baninga ba bango ya misala mpe na bato basusu".

"Tosengeli kolongola na mito ya bana ya Congo likasi ete politiki ezali mosala ya kozwa mosolo na bopete," elimboli na milulu ya botiyi manzaka, molakisi Saint-Augustin Mwendambali, moko na basali ya likolo ya l’Etat baye basali mokanda moye.

Mokanda yangongo mozali ya kondima kotambola na botosi mibeko mpe bizaleli malamu. Milulu myango misalamaki na Cité ya Union africaine.

Mibeko myango misalami na Observatoire ya bokengeli kaniaka mpe bizaleli malamu (OSCEP).

XS
SM
MD
LG