Liens d'accessibilité

Dernières nouvelles
RDC

"15 millions $" : Procureur ya Cour ya cassation apekisi makelele, azwi makambo na maboko


Bazuzi ya Cour constitutionnelle na Kinshasa, 19 juanvier 2019.

Procureur général ya Cour ya cassation, Folry Kabange apekisi bato banso kosala makele na ntina ya likambo ya 15 millions ya ba dollars ya ba pétoliers eye ezali kokonana te.

M. Flory Kabange Numbi, alobi na liyebisi liye likomeli VOA Lingala ete basilaki komemala ye likambo litali 15 millions ya ba dollars ya ba sociétés pétroilières miye mizali komonana te.

"Na kozelaka suka ya bolukiluki boye bozali kosalama, esengami na boko na basusu komipekisa makambo ya komikotisa, maloba mpe masakoli pamba pamba mpe mazangi ntina maye makoki kobebisa mingi bolukiluki bwango," ekomi avocat général ya yambo, Victor Mumba Mukomo na liyebisi liye atie manzaka.

Mpo na Avocat général Mumba, bolukiluki boye bosengeli kokoba na kimya nyonso.

Mosolo mwango mozali ndambo eye ewutaki na mbongo eye mbulamatari esengelaki kozongisela ba sociétés pétrolières.

Mosala ya Inspection générale ya finances moyebisiaki na rapport na yango ete mbongo yango etiyamaki na compte ya sika ekalamaki na banque privée Raw Bank, na mokano ya bayike, mpe na nsima ebungaki.

Likambo yango limemi nungungu mingi na mboka.

Kasi molbeli ya president Félix Tshisekedi, Kasongo Mwema akomaki na Twitter ete mokonzi ya ekolo alobi eloko te mpo misala ya bosembo misilaki kozwa likambo yango na maboko.

XS
SM
MD
LG