Liens d'accessibilité

Dernières nouvelles

DAESH-K endimi ete ebetaki ba roquettes motoba na aéroport ya Kaboul


Afghanistan Kabul

Lingomba Etat islamique-K to DEASH-K endimi ete yango nde ebeti ba roquettes motoba na libanda lya mpepo ya Kaboul, mokolo moko yambo na suka ya bobimisi bato Etats-Unis ezali kosala na Afghnistan kolanda bokweyisami ya mboka.

Ba Talibans balobi bapekisa ba roquettes kokweya na koselalaka ba missiles.

Ba roquettes yango ebetamaki mwa ntango nsima na mampinga ma Amerika kobeta wuto likolo motuka moko mozalaki kopusana na aéroport ya Kabul epayi bato mingi bazali kozela kobimisama.

Mposo moleki, bato pene na nkama mibale bakufaki na attentat mosusu bayi Etat-Islamique-K basalaki. Basoda zomi na misato ya Etats-Unis bazalaki kati na bakufi.

Wuto mposo mibale Etats-Unis na bikolo misusu bazalaki na Afghanistan babandaki kobimisi bato ba bango mpe bayi Afghnistan basungaki bango nsima na Batilibans kobotola mboka.

Kasi DASH-K, eteni ya DEASH, bendaki kolaka kosala bitumbu epayi bayi Amerika mpe basusu bazali mpe esi esali bitumba mbala misato.

Lundi, Washington ezokamba na visioconférence likita na bikolo biike mpo na kotala soki bobimisi bato na Afghnistan bokomi wapi, mokolo moko yambo na kosukisa mosala mwango.

Ba ministres ya mambi ma Bikolo bya bapaya ya Canada, Union européenne, Royaume-Uni, Turquie, Qatar, mpe Otan bakozala wana.

Voir les commentaires

XS
SM
MD
LG