Liens d'accessibilité

Dernières nouvelles

Amerika epesi etumbu na procureure Fatou Bensouda ya CPI


Fatou Bensouda (C) procureure ya CPI na bazuzi basusu na Haye, Pays-Bas, 25 janvier 2019.

Etats-Unis epesi etumbu na procureure ya Cour pénale internationale (CPI), Fatou Bensouda, esakoli secrétaire d’Etat (ministre ya mambi ma bapaya) Mike Pompeo na bokutani na bapanzi sango.

"Moto nyonso to misala minso akokoba kopesa maboko" na procureure "atiami na esika ya kozwa etumbu mpe lokola," elobi M. Pompeo.

Mikolo mileki, président Donald Trump apesaki ndingisa na juin ete entumbu ya nkita epesamela baklambi banso ba tribunal eye na ntina ya kobangisa bango na kolandela basoda ba Amerika na misala basalaki na Afghanistan.

CPI epamelelaki nungu nungu ya Amerika mpo na kopekisa yango kozala nsomi.

"Lelo, totie maloba na misala," elimboli Mike Pompeo. "Mpamba te CPI ekobi koluka Amerika," ebakisi mokambi ya misala ya bikolo ya bapaya ya Amerika.

CPI ekataki na appel na mars ete ndingisa epesamaki mpo na bolukiluki bosalama likolo na mbeba ya bitumba mpe ya bomoto esalamaki na Afghnistan ata mbulamatari ya Trump eboyaki yango.

Voir les commentaires

XS
SM
MD
LG