Liens d'accessibilité

Dernières nouvelles
RDC

COVID-19 : Fayulu asengi l’Etat kokanga mokaba mpe ba Congolais kosunga na libenga ya bondeko


Opposant Martin Fayulu na meeting na Butembo, Nord-Kivu, RDC, 15 février 2019. (Facebook/Michel Koyakpa)

Martin Fayulu candidat malheureux ya maponami ya mokonzi ya mboka ya le 30 decembre 2018 mpe moko na bakambi ya lingomba Lamuka asengi lisungi ya ba Congolais banso mpe mbulamatari kokanga mokaba mpo na kotiya misolo mingi na bitumba na COVID-19.

Mpo na ye, lokola makoki mazali mingi te na mboka, mbulamatari esengeli ekititsa lolenge na yango kobika mpe kotelemisa misala manso mya litomba ya mbangu te lokola botongami bwa ba sauts-de-moutons na ntina ete misolo mikotikali misalelama mpo na kobundisa bokono boye bopanzani na molongo, elobi M. Fayulu na vidéo mpe makomi atie na compte Twitter na ye.

M. Fayulu, mokambi ya lingomba ECIDE (Engagement citoyen pour le développement) asengi bana banso ba ekolo Congo démocratique kokanga mokaba mpe kopesa maboko na bitumba na COVID-19.

"Nasengi ete Congolais nyonso ayeba, kolanda makoki ma ye mpe bisika binso azwami, kopesa koleka na dollars mitano na libenga ya solidarité nationale. Lisungi ya mosolo koleka lokola 50$, 100$, 500$, 1.000$ mpe misusu lizelami," elobi M. Fayulukl.

Abeti mokoloto ete libenga lyango likambama na Caritas Congo ASBL oyo ekopesa ba numéros ya compte M’Pesa, Tigo cash, Airtel Money mpe Orange Money.

XS
SM
MD
LG