Liens d'accessibilité

Dernières nouvelles

Bokutani ya Tshisekedi na Kabila bozali kobongisama


Mokonzi ya kala ya RDC Joseph Kabila (D) ayambi mokambi ya MONUSCO Leila Zerrougui na Kinshasa, 16 septembre 2020. (MONUSCO)

Leila Zerrougui, mokambi ya MONUSCO, misala ya ONU na Congo mpe molakisi na elongi ya kalaka mokonzi ya ONU, esengeli akutana mercredi 16 septembre na président Tshisekedi mpo na kobongisa bokutani bosengeli kotisa mitema na boyakani CACH-FCC.

Bokutani ya Mme Zerrougui na M. Tshisekedi bozali mpo na kobongisa likita kati na président Tshisekedi oyo azali likolo lya lingomba CACH na mokonzi ya kala Joseph Kabila, mokonzi ya FCC.

Bobendani bozali kati na mangomba mabale maye mazali na boyokani ya kokamba mboka.

Mme Zerrougui akutanaki mardi na M. Kabila na ndako na ye ya Gombe.

Bokengi, bolongwi ya MONUSCO mpe botambwisami ya politiki bozalaki kati na masolo ma bango.

Kaka mardi, Joseph Kabila azalaki mpo na mbala yay ambo na Sénat bo’ Sénateur ya libela.

Baike bamoni yango lokola elombo ya kolakisa ete M. Kabila andimi kozala Sénateur mpe mpo na kosukisa nungu ngungu ya baye bafundaka mokonzi ya kala kozala nde mokonzi ya mboka ya solo.

Matata mazali mpe mpo na kokabola mabonga ya bokonzi na territoiriale mpe na ba entreprises.

Bobendani bomonisamaki mingi nsima na botiami na bazuzi ya sika na président Tshisekedi.

FCC ekebisaki mposo moleki ete bokaboli mabonga na territoriale bosengeli kosalama na pole mpe na bondimami ya bato banso.

XS
SM
MD
LG