Liens d'accessibilité

Dernières nouvelles

RDC

Bitumba kati na baye ya UDPS na ya FCC

Baye ya PPRD batamboli na Kinshasa pene na Assemblée nationale, Palais du peuple, Kinshasa, 12 juin 2019. (Facebook/Je suis Ramzani Shadary)

Ndako ya CNC, Congrès national congolais, lingomba ya député Pius Muabilu, ya FCC, epunzami mpe ezikisami ntango baye bomanoni lokola baye ya UDPS basali mobulu.

Police ekomaki esika eye na mwa nsima, ebeti gaz lacrymogène.

Ndenge moko mpe police ebetaki gaz lacrymogène mpo na kokabola balandi ya PPRD mpe ya UDPS baye babundaki na boulevard Sendwe na Kinshasa.

Balandi ya PPRD, lisanga ya mokonzi ya kala Joseph Kabila, bawutaki na Palais du peuple, ndako ya Parlement libanda na esika wapi batelemaki mwa ntango mpo na kopesa maboko na ba députés na bango.

Kasi mikolo mibale mileki, baye ya UDPS, lisanga ya mokonzi ya mboka Felix Tshisekedi, bango mpe basalaki mobulu liboso ya Assemblée nationale, bakangaki nzela mpe bapekisaki ba députés nationaux kokota.

Baye ya UDPS bazalaki kopamela bososoli ba députés basalaki na miko ya président Félix Tshisekedi maye matiyaki baye ya Conseil d’administration ya Gécamines mpe SNCC.

Nzokande rapporteur ya Assemblée nationale, Célestin Musau Kalombo, asengi na ngambo mibale kozala na kimya. Baye ya PPRD batikelaki ye mokanda ya bosenga na bango. Lobi loleki baye UDPS basalaki mobulu lisusu na Lubumbashi na Haut-Katanga.

See all News Updates of the Day

Concerts mibale ya Koffi Olomide eboyami na Afrique du Sud

Alanga nzembo Koffi Olomide ya Congo démocratique, 1er avril 2018. (Twitter/ Koffi Olomidé)

Ba concerts mibale ya alanga nzembo ya Congo démocratique Koffi Olomide ekobetama lisusu te, eyebisi baye babongisa yango.

Ba concerts byango eboyami ntango campagne ezali kosalama ba réseaux sociaux mpo na kopekisa Koffi Olomide kobeta mindule nsima na bokweyisami na ye mibu mibale na sursis, na ntina ya atteinte sexuelle afundamaki na yango.

"Mindule ya Koffi Olomide mikobetama lisusu te le 28 juin na Gallagher Convention Centre (ya Johannesburg," ekomami na liyebisi libimi mercredi.

Esengelaki Koffi Olomide abeta miziki le 28 juin na Johannesburg mpe le 30 juin na Cap.

"Shimmy Beach" esakoli mpe mokano ya koboya concert ya Koffi.

Bisika babale (ba salles) baye balobi te ntina nini baboyi. Kasi campagne ebengami #StopKoffiOlomide ezali kosalama mpo na kopekisa moyembi moye kobeta na Afrique du Sud to Afrika ya Ngele.

Na mars, bazuzi bakatelaki Koffi mibu mibale ya boloko mpo na atteintes sexuelles na babini na ye ya kala. Kasi yango elingi koba été akosala boloko te.

Etats-Unis na RDC balingi bakolisa boyokani ya mampinga

Président Félix Tshisekedi na bokutani na Général de brigade Steven deMilliano ya mampinga ya Etats-Unis, na cité ya Union africaine, Kinshasa, 18 juin 2019. (Facebook/présidence de la RDC)

Président Félix Tshisekedi nde akutanaki na Général de brigade Steven deMilliano ya mampinga ya Etats-Unis mpo na masolo matali mampinga, mardi na cité ya Union africaine na Kinshasa.

Na mokambi moye ya centre AFRICOM, Félix Tshisekedi atalaki ndenge nini Etats-Unis na Congo démocratique bakobongisa malamu boyokani kati na mampinga ya bikolo mibale, eyebisi Ambassadeur ya Ameriki Mike Hummer.

Kolanda maloba ya ambassadeur Hummer, ezali na bolandi ya partenariat priviligié to boyokani ya litomba mpo na kimya mpe bokengi, boye bosalamaki na mobembo ya Félix Tshisekedi na Ameriki na avril.

Gén. de Brig. deMilliano azali elongo na bakambi misusu ya mampinga ya Aeriki elongo na Sous-secrètaire d’Etat adjoint ya Ameriki ya mambi ya makoki ya bomoto, démocratie mpe mosala, Scott Busby.

Sango ya le 19 juin 2019 ya 16h TU na VOA Lingala

Sango ya le 19 juin 2019 ya 16h TU na VOA Lingala
Attendez s'il vous plaît

No media source currently available

0:00 0:05:01 0:00

RCD/KML eyebisi ntina nini Mbusa atiki Lamuka

RCD/KML eyebisi ntina nini Mbusa atiki Lamuka
Attendez s'il vous plaît

No media source currently available

0:00 0:01:19 0:00

S/secrétaire adj. ya USA mpo na makoki ya bomoto azali na Kinshasa

Sous-secrètaire d’Etat adjoint ya Ameriki ya mambi ya makoki ya bomoto, démocratie mpe mosala, Scott Busby (D.) na masolo na abbé Bonatien Nshole, kalaka mokonzi ya CENCO, Kinshasa, 18 juin 2019. (Facebook/US Embassy Kinshasa)

Sous-secrètaire d’Etat adjoint ya Ameriki ya mambi ya makoki ya bomoto, démocratie mpe mosala, Scott Busby akutani mardi na mokambi ya Assemblée nationale Jeannine Mambunda.

M. Busby alobi ete aye na Congo démocratique mpo na kosolola na bakambi ya ekolo eye na oyo etali ba priotrités ya mboka mpe makoki ya bomoto.

Masolo na bango mpe matali bitumba na kanyaka, biye mokonzi ya mboka Félix Tshsiekedi alobi bikozala boko ya makambo ya yambo ya kosala.

Akokokutana mpe na bakambi basusu ya congo démocratique.

Voir plus

XS
SM
MD
LG