Liens d'accessibilité

Dernières nouvelles
RDC

Bato 24 babomami na basimba minduki nsima na boyokani mbulamatari-FRPI na Ituri


Ba soda ya mampinga ya ekolo Congo démocratique FARDC na zamba ya Wagu na Djugu, na Ituri, 4 juillet 2019.

Bato 24 babomami na basimba minduki bafundami kozala baye ya CODECO, nsima na boyokani ya kimya kati na mbulamatari na lingomba FRPI vendredi na etuka ya Ituri.

"Bato 24 babomami na masasi na basimba minduki ya CODECO (Cooperative mpo na ntombwa ya Congo)," elobi Innoncent Madukadala, chef ya secteur na territoire ya Djugu.

Kolanda maloba ma ye, bato 12 basusu bazokisami na basimba minduki.

Administrateur ya territoire Djugu, Alfred Alingu, andimi motango mwango.

Kaka vendredi, mbulamatari ya RDC etiaki manzaka na mokanda ya kimya na FRPI (Front ya résistance patriotique ya Ituri) moko na mangomba masalaka bitumba na etuka eye wuto pene na mibu 20.

XS
SM
MD
LG